Annegro

Ho som dansa seg inn i livet mitt
med blodraud neglelakk
og eigen drosje
til alt ho ikkje skulle kjøpt i byen
og som ho ikkje greide bera med seg.
Ho
som sette alle dører vidopne
og som laga papirfly av tusenlappane
då studielånet ho gløymde å søkja om
endeleg var der.
Ho
som brått ein morgon
var flytta til Paris
fordi det kjendest slik
den dagen.

Stikk innom mange sitt liv, Annegro
me treng det.

Heidi